విలువ : సత్ప్రవర్తన
అంతర్గతవిలువ:ఆత్మపరిశీలన
ఒక యువ జంట ఒక కొత్త ప్రదేశంలో నివాసం ఉంటున్నారు ఆ భార్యా భర్తలు ఇద్దరు ఉదయమే అల్పాహారం తింటుండగా పొరుగున ఉన్న ఆమె ఉతికి దండెం మీద ఆరవేసిన బట్టలు కనిపిం చాయి. భార్య ఆ బట్టలు చూసి “అవి శుభ్రం గా లేవు కొంచెం మంచి సబ్బుతో ఉతికితే బాగుండేది ఆమెకు బట్టలు బాగా ఉతకడం రాదు ” అని విమర్శిం చిం ది. ప్రతి రోజు పొరుగింటావిడ ఆరవేసిన బట్టలను చూసి ఈమె ఇలాగే మాటలాడేది!
ఒక నెల తరువాత పొరుగింటావిడ ఉతికి ఆరవేసిన బట్టలు శుభ్రం గా అందం గా కనిపిం చడం చూసి ఆమె ఆశ్చర్య పొయింది తన భర్తని పిలిచి చూడు ఆమె బట్టలు బాగా ఉతకడం నేర్చుకుంది ఎవరు నేర్పారో ఆమెకు నాకు చాలా ఆశ్చర్యంగా ఉంది అని పలికింది. అప్పుడు భర్త ఈరోజు ఉదయం పెందలకడనే లేచి మన కిటికీలను శుభ్రం చేశాను .నీకు బట్టలు శుభ్రం గా కనిపించడానికి కారణం అది అని చెప్పాడు.శుభ్రమైన కిటికీ లోంచి బట్టలు శుభ్రం గా కనిపించినట్లే మనం ఇతరులను ఏ దృష్టి తో చూస్తామో వాళ్ళు మనకదే విధంగా కనిపిస్తా రు.
నీతి:-
ఇతరుల విషయంలో నీకు తోచినట్లుగా ఎప్పుడూ ఒక నిర్ణయానికి రాకూడదు.
మనం ఎలాంటి అద్దాలలో నించి చూస్తే మనకు ప్రపంచం అలాగే కనిపిస్తుంది
మనం మాటలాడే మాటల్లో మన ఆలోచనలు ప్రతి బింబిస్తాయి.
ఇతరులను విమర్శించడానికి ముందు మనలను మనం పరిశీలించుకోవాలి.