Tag Archive | moral stories in telugu

సృష్టి అంతా భగవంతుని స్వరూపమే (God Is Everywhere) ! విలువ : సత్యము అంతర్గత విలువ : జ్ఞానము

Summer_School

ఒక పిల్లవాడు స్కూలు నుండి ఇంటికి తిరిగి వస్తున్నాడు. గడ్డిపైన నడుస్తుండగా అతడికి ఒక గొంగలి పురుగు కనిపించింది.మరికొంత దూరం నడిచాక అతనికి చెట్టు పైన భద్రంగా ఒన్న ఒక పక్షి గూడు కనిపిస్తుంది. అలా పిల్లవాడికి దారిలో కనిపించే ప్రతి అందమైన దృశ్యం భగవంతుని సృష్టియొక్క గొప్పతనాన్ని గుర్తించేలా చేస్తాయి.

ప్రకృతి లోని ఇన్ని అందాలని చూస్తూ ఆ చిన్న పిల్లవాడు ఆనందంగా హుషారుగా గెంతుకుంటూ వెళుతుండగా, పొరుగింటి ఒక పెద్దమనిషి అతనికి ఎదురు వచ్చి, “ఏమిటి నాయనా ఎక్కడినించి వస్తున్నావు, ఈరొజు ఉదయమునించి ఏమి చేసావు” అని ఆప్యాయంగా పలకరిస్తారు.”నేను చర్చి స్కూలు నించి వస్తున్నానండి, అక్కడ భగవంతుడి గురించి బోలెడు విషయాలని తెలుసుకున్నాను”, అని వినయంగా బదులు చెప్తాడు.

images

ఇంతటి చక్కని సమాధానం విన్న పెద్దమనిషి ఎంతో మురిసిపోయి,”చాలా మంచిది నాయనా! అంతకంటే మంచి కాలక్షేపం ఏమి ఉంటుంది: సరే కాని దేవుడి గురించి ఎన్నొ మంచి విషయాలను తెలుసుకుని వస్తున్నావు కదా, “మరి ఆ భగవంతుడు ఎక్కడ ఉన్నాడో చెప్పగలవా? “నువ్వు గనక ఈ ప్రశ్నకి జవాబు చెప్పగలిగితే నేను నీకు బహుమతిగా పది పైసలను ఇస్తాను”. అని అంటాడు.  అప్పుడు ఆ పిల్లవాడు చురుకుగా, “భగవంతుడు లేని చోటు ఒకటైనా మీరు నాకు చూపించగలిగితే నేనే మీకు తిరిగి రూపాయి ఇస్తాను.” అని చక్కటి సమాధానం, ఆ పెద్దమనిషి ఆశ్చర్యపోయేలా ఇస్తాడు.

నీతి:  అంతా మన దృష్టి లోనే ఉంటుంది. కల్లాకపటం లేని  హృదయంతో ,పవిత్రమైన మనస్సుతో చూస్తే అంతటా మనకి తప్పక భగవంతుడు కనిపిస్తాడు.

https://saibalsanskaar.wordpress.com

https://www.facebook.com/neetikathalu

Advertisements

ప్రార్థన విశిష్టత, విలువ: సత్యం ,అంతర్గత విలువ: విశ్వాసం

మేజర్ సాహిబ్ నాయకత్వంలో పదిహేనుమంది సైనికులు హిమాలయ పర్వతాలలో ఉన్న సరిహద్దు ప్రాంతంలో తమ విధులు నిర్వర్తించడానికి బయలు దేరారు. ఈ దళం అక్కడికి చేరుకుంటే అక్కడ పని చేసే వారు తమ ఇళ్ళకు చేరుకోవచ్చు. అందుకోసం ఆ సైనికులు వీళ్ళ కోసం చాలా ఆత్రుతగా ఎదురు చూస్తున్నారు. ఈ సైనికులు కూడా తొందరగా అక్కడకు చేరుకొని అక్కడి సైనికులను వాళ్ళ ఇళ్ళకు పంపడానికి ఉత్సాహం గా ఉన్నా రు. కాని ఆ పర్వత శిఖరాలు ఎక్కి గమ్య స్థానం చేరుకోవడం చాల శ్రమ, ప్రమాదాలతో కూడిన పని. కాలి నడకన వెళ్ళడం తప్ప మరొక మార్గం లే దు. దానికి తోడు ధారాపాతం గా కురిసే మంచు ఎముకలు గడ్డ కట్టుకు పోయేలా చేస్తుంది. imagesYI6FQJA0
అక్కడ ఎవరైనా ఒక కప్పు టీ ఇస్తే బాగుండునని మేజర్ సాహిబ్ అనుకున్నాడు. అది చాలా చిన్న కోరికే అయినా అక్కడ ఆ సమయంలో అది అత్యాశే అని మేజర్ సాహిబ్ కి తెలుసు. వాళ్ళు ఒక గంట పాటు ప్రయాణం చేసి కొంత దూరం వెళ్ళేసరికి ఒక హోటల్ కనిపించింది. కాని అది మూసి వేసి ఉంది. అప్పుడు సమయం రాత్రి రెండు గంటలు. ఆ చుట్టు పక్కల దగ్గరలో ఇళ్ళు కూడాలేవు. అందుచేత ఆ షాపు యజమాని ఎవరో తెలుసుకొనే అవకాశం కూడా లేదు. కొంచెం దూరం వెళ్లి అక్కడ ఉండే ఇళ్ళ తలుపులు కొట్టడం కూడా ఆ సమయం లో భద్రత దృష్ట్యా అంత మంచిది కాదు.
ఎటూ కాని పరిస్థితి. మన దురదృష్టం. మిత్రులారా టీ దొరికే అవకాశం లేదు. ఇప్పటికే చాలా దూరం నడిచారు కొంచెం సేపు విశ్రాంతి తీసుకోండి అన్నాడు,మేజర్ సాహిబ్. ఇంతలో ఒక సైనికుడు మేజర్ సాహిబ్ ని చూసి ఇక్కడో టీ దుకాణం ఉంది కాని ఇది తాళం వేసి ఉంది. తాళం పగుల కొట్టాలి అన్నాడు. మేజర్ సాహిబ్ కొంచెం సందేహంలో పడ్డాడు. మొత్తం మీద తాళం పగుల కొట్టడానికి అనుమతించాడు. తాళం పగులగొట్టా రు.

imagesT7CLDF01 వాళ్ళ అదృష్టం కొద్దీ అక్కడ టీ తయారు చేసుకోవడానికి కావలసిన అన్ని వస్తువులు పాలు, పంచదార, టీ పొడి అన్నీ ఉన్నాయి. వాళ్ళు టీ తయారు చేసుకుని చల్లటి వాతావరణంలో టీ త్రాగి చాలా ఆనందించారు . ఇక వాళ్ళు అక్కడి నుంచి బయలు దేరాలి.మేజర్ సాహిబ్ మళ్ళీ సందేహంలో పడ్డాడు. వాళ్ళు తాగిన టీ కి డబ్బులు ఇవ్వాలి. వాళ్ళు ఇవ్వడానికి సిద్ధంగా ఉన్నా పుచ్చుకోవడానికి అక్కడ ఎవరూ లేరు. వాళ్ళు క్రమ శిక్షణ కలిగిన సైనికులు. దొంగలు కాదు. డబ్బులు చెల్లించకుండా వెళ్ళిపోవడానికి మేజర్ సాహిబ్ మనస్సు ఎంత మాత్రం అంగీకరించ లేదు. చివరికి మేజర్ సాహిబ్ కి ఒక ఆలోచన వచ్చింది . ఒక వెయ్యి రూపాయల నోటు తీసి కౌంటర్ వద్ద ఉంచాడు. అది ఎగిరి పోకుండా దానిమీద పంచదార డబ్బా పెట్టాడు. మరుసటి రోజు ఉదయం యజమాని వచ్చి చూసేసరికి కనిపించేలా నోటును అలా పెట్టి సైనికులను బయలు దేరండి అని చెప్పి తానూ బయలుదేరాడు. రోజులు, వారాలు, నెలలు గడచి పోయాయి. ఆ సైనికులు తమ విధులు ముగించుకొని అందరు క్షేమంగా తిరిగి ఇళ్లకు బయలుదేరారు. తిరిగి వచ్చేటప్పుడు కూడా అనుకోకుండా అదే షాపు దగ్గర టీ త్రాగడానికి ఆగారు. ఆ షాపు యజమాని ఒక ముసలి వాడు మరియు బీదవాడు . తన షాపు వద్ద టీ తాగడానికి వచ్చిన ఆ పదిహేనుమందిని చూసి ఎంతోసంతోషించాడు ఆ సైనికులు ఆ షాపు యజమానితో కబుర్ల లో పడ్డారు . ఆ ముసలి వాడికి భగవంతుని మీద దృఢ మైన భక్తి ఉందని గమనించిన ఒక సైనికుడు, తాతా నిజంగా భగవంతుడు ఉంటే నీలాటి వాళ్ళకు ఇన్ని కష్టాలు ఎందుకు వస్తాయి అని అడి గాడు.
images89KYK9B0 దానికి ఆ ముసలివాడు ,కాదు బాబూ భగవంతుడు నిజం గా ఉన్నాడు. దానికి కొన్ని నెలల క్రిందట నా జీవితంలో జరిగిన ఒక సంఘటన ప్రత్యక్ష నిదర్శనం అని ఇలా చెప్పడం మొదలు పెట్టాడు . అప్పుడు నేను చాలా కష్టంలో ఉన్నాను . నా కొడుకును టెర్రరిస్ట్ లు (తీవ్ర వాదులు) బాగా కొట్టారు . ఎవరు కొట్టారో తెలియదు . నేను షాపు మూసేసి నా కొడుకును హాస్పిటల్ కు తీసుకు వెళ్ళాను . మందులు కొనడానికి డబ్బులు లేవు . ఎవరూ అప్పు ఇవ్వలేదు. నా కొడుకు దక్కుతాడనే ఆశ లేకుండా పోయింది. ఆర్తి తో భగవంతుణ్ణి వేడుకున్నాను. నేను షాపు దగ్గరకు వచ్చి చూసే సరికి తాళం పగులగొట్టి ఉంది. షాపులో ఉన్న కొద్ది పాటి విలువైన వస్తువులు పోయి ఉంటాయి అనుకున్నాను. కాని ఆశ్చర్యకరం గా పంచదార డబ్బా క్రింద వెయ్యి రూపాయలు కనపడ్డాయి. ఆ రోజు ఆ డబ్బులు నాకెంత విలువైనవో చెప్పలేను . భగవంతుడే నా షాపులోకి నడచి వచ్చి ఆ డబ్బులు అక్కడ పెట్టాడని పించింది . ఆ డబ్బులతో నా కొడుకును బ్రతికించుకోగలిగాను. నిజంగా దేవుడు ఉన్నాడు బాబూ ఇక్కడ తీవ్ర వాదుల చేతిలో ప్రతి రోజు అనేకమంది చనిపోతున్నారు . మీరు మీ విధులు ముగించుకుని క్షేమం గా త్వరలో ఇంటికి వెళ్ళబోతున్నారు . మీ భార్యాబిడ్డలను, ఆత్మీయులను కలుసుకోబోతున్నారు . మీరు ఇంటికి వెళ్లి మీరు మీ ఆత్మీయుల లో పాటు భగవంతునికి మనసారా కృత జ్ఞతలు చెప్పుకోండి. నిజం గా దేవుడు ఉన్నాడు బాబూ, ఆ ముసలి వాడి కళ్ళలో భగవంతుని మీద స్థిరమైన విశ్వాసం కొట్టొచ్చినట్టు కనిపిస్తోంది. మేజర్ సాహిబ్ కళ్ళు ఆనంద బాష్పాల తో నిండి పోయాయి . తాతా నువ్వు చెప్పినది నిజం. నిజంగా దేవుడు ఉన్నాడు . నువ్వు చేసిన టీ అద్భుతంగా ఉంది అంటూ లేచి బిల్లు చెల్లించాడు . ఆ పదిహేను మంది సైనికుల కళ్ళు కూడా చెమ్మగిల్లేయి. వాళ్ళ జీవితాలలో అది ఒక అరుదయిన సంఘటన .
నీతి: విశ్వాసం కలిగి ఉండడం ముఖ్యం . అది పర్వతాలను కూడా కదిలించగలదు. భగవంతుడు ఉన్నాడని మనం విశ్వసిస్తే నిజంగా ఉన్నాడు . అనేక సందర్భాలలో అనేక విధాలుగా మన కంటికి కనబడని చెయ్యేదో మనకు సహాయ పడుతూ ఉంటుంది . విశ్వాసం ఉన్నవాళ్ళు మాత్రమే తమ జీవితంలో కంటికి కనపడ కుండా ప్రతి అడుగులోను భగవంతుడు సహాయపడుతున్నాడని గుర్తించగలుగుతారు.

http://saibalsanskaar.wordpress.com
https://www.facebook.com/neetikathalu

వరలక్ష్మీ వ్రత వైశిష్ట్యము

హిందూ సంప్రదాయము ననుసరించి చైత్రము మొదలైన పన్నెండు నెలలో శ్రావణ మాసము ఎంతో విశిష్ట మైనది. నెలల వరుస లో ఇది ఐదవది. శ్రవణా నక్షత్రము తో కూడిన పూర్ణిమ ఈ నెలలో వస్తుంది కావున ఈ మాసమునకు శ్రావణ మాసము అని పే రు. శ్రవణా నక్షత్రము శ్రీ మహా విష్ణువు జన్మ నక్షత్రం కావడం ఈ మాసము నకు ఎంతో గొప్పదనాన్ని తెచ్చింది. ఈ మాసము లో మంగళ శుక్ర శ ని వారములు ఎంతో పవిత్రము గా భావింప బడ తాయి. మంగళ శుక్ర వారములు లక్ష్మీ పూజకు శ్రావణ శని వారము వెంకటేశ్వర స్వామి ఆరాధనకు ప్రశస్తమైనవి. శ్రావణ మాసము చతుర్మాస్యలలొ ఒకటి. యోగులు సన్యాసులు పీఠా ది పతులు చాతుర్మాస్య దీక్ష ను పాటి స్తారు. ఈ కాలంలో శ్రీ మహా విష్ణువు యోగ నిద్ర లో సముద్రం పై పవళించి ఉంటాడు. శ్రావణ పూర్ణిమ రోజున హయగ్రీవ జయంతి రక్షా బంధన్ పండుగలు జరుపు కుంటారు . ఇదే మాసము లో శ్రీ కృష్ణ జన్మాష్టమి కూడా వస్తుంది. వివాహ మైన స్త్రీలు ఎంతో ముఖ్య మైనది గా భావించే వరలక్ష్మీ వ్రతం ఈ నెలలోనే ఆచరిస్తారు. శ్రావణ మాసము ఇన్ని విధాల విశిష్టత కలిగినది.
వరలక్ష్మీ వ్రతం వివాహమైన స్త్రీలు ఆచరించే వ్రతాలలో ప్రధానమైనది. శ్రావణ పూర్ణిమ కు ముందు (preceding) వచ్చ్గే శుక్ర వారము ఈ వ్రతము చేసుకుంటారు. సాధారణము గా ఇది శ్రావణ మాసం లో వచ్చే రెండవ శుక్ర వారము అవుతూ ఉంటుంది ఎప్పుడైనా ఒక్కొక సారి శ్రావణం పూర్ణిమ శుక్రవారం వస్తే ఆరోజున చే సుకుం టారు. మగధ దేశం లో చారుమతి అనే భ్రాహ్మణ స్త్రీ కి శ్రీ మహాలక్ష్మి స్వప్నం లో సాక్షాత్కరించి ఈ వ్రతం ఆచరించిన వారు సంపదలతో తుల తూగుతూ ఎల్లప్పుడూ క్షేమం గా ఉంటారని చెప్పిందట చారుమతి ఆమె వలన ఈ విషయం విన్న స్త్రీలు ఈ వ్రతం చేసి భోగ భాగ్యాల తో సుఖం గా ఉన్నారని ఆ నాటి ఈ వ్రతం ఆచరించడం మొదలైనదని వరలక్ష్మీ వ్రత కల్పం చెబుతుం ది.

పద్మాసనే పద్మకరే సర్వ లోకైక పూజితే
నారాయణ ప్రియే దేవి సుప్రీతా భవ సర్వదా varalakshmi

అని వరలక్ష్మి ని స్తోత్రం చేస్తే అష్ట లక్ష్ముల అనుగ్రహం కలుగు తుం దని విశ్వా సము . చిత్ర నేమి అనే గంధర్వుడు శివ పార్వతులు జూదం ఆడుతూ ఉన్న సమయం లో మధ్య వర్తి గా ఉండి పక్ష పాత బుద్ధి తో శివుడు గెలిచినట్లు ప్రకటించ డం తో పార్వతి కోపించి చిత్రనేమిని కుష్ఠు రోగివి కమ్మని శపిస్తుంది. ఆ శాపం నుంచి విముక్తి పొంద డానికి పార్వ తి ఆదేశం మేరకు చిత్రనేమి వరలక్ష్మి వ్రతం చేసి కుష్ఠు రోగం నుంచి విముక్తు డై నట్లు మరొక కథ వలన తెలియ వస్తుంది. సాక్షాత్తు శ్రీ మహాలక్ష్మి కుండిన నగరం లో ఒక భక్తు రాలికి స్వప్నం లో కనుపించి ఈ వ్రతం చేస్తే సంపదలు సౌభాగ్యము కలుగు తాయని చెప్పినట్లు గా మరొక కథ. మొత్తము మీద శ్రీ మహాలక్ష్మి అనుగ్రహం తో సంపదలు సౌభాగ్య సమృద్ధి కొరకై ఆంద్ర కర్నాటక తమిళ నాడు రాష్ట్రాలలో స్త్రీ లు ప్రధానం గా ఈ వ్రతాన్ని ఆచరిస్తారు నేపాల్ లోకూడా ఈ వ్రతాని ఆచరించ డం కనుపిస్తుం ది ఈ సంవత్సరం జూలై నెల 8 వ తేదీ వరలక్ష్మీ శుక్రవారం పర్వదినము. స్త్రీలందరూ ఈ వ్రతాన్ని ఆచరించి కోరిన వరాలు ఇస్తూ వరలక్ష్మి గా ప్రసిద్ధి పొందిన ఆ శ్రీ మహాలక్ష్మి అనుగ్రహంతో సంపత్ సౌభాగ్యాలను పొందాలని ఆకాం క్షిస్తున్నాము.
http://saibalsanskaar.wordpress.com
https://www.facebook.com/neetikathalu

నిజాయితీ

విలువ: ప్రేమ

అంతర్గత విలువ : నమ్మకం

 

ఒక రోజు, ఒక బీద పిల్లవాడికి, తినడానికి ఏమీ దొరకలేదు. చాలా ఆకలితో ఉన్నాడు. పక్కనే ఉన్న ఒక కిరాణా కొట్టు నుంచి ఒక అరటి పండు దొంగిలించాడు.
భగవంతుని భక్తుడు అవ్వడం వల్ల, సగం పండు హుండీ లో వేసి ఇంకో సగం తను తిన్నాడు.

కిరాణా కొట్టువాడు గమనించి పిల్లవాడిని పట్టుకుని నిందించాడు. పిల్లవాడు కూడా తన తప్పు ఒప్పుకున్నాడు. కొట్టువాడికి, పిల్లవాడిని చూస్తే, చాలా జాలి వేసింది.
గుణపాఠం చెప్పడానికి, గుడి చుట్టూ కొన్ని ప్రదక్షిణాలు చెయ్యమన్నాడు. పిల్లవాడు చెప్పిన మాట విని, గుడిలో ప్రదక్షిణం చేస్తుంటే, భగవంతుడు కూడా ప్రదక్షిణం చెయ్యడం చూసి, కొట్టువాడు ఆశ్చర్య పోయాడు.

ఆ రోజు రాత్రి, భగవంతుడు కొట్టువాడి కలలోకి వొచ్చి ఇలా అన్నారు,’నేను కూడా దొంగిలించిన పండు సగభాగం తీసుకున్నాను. అం దుకే గుడిలో పిల్లవాడితో పాటు ప్రదక్షిణం చేశాను’ KA2_091

నీతి:
భగవంతుడు ఎప్పుడు మనుషులలో, నీతి, నిజాయితీ, ప్రేమ చూస్తారు.

http://saibalsanskaar.wordpress.com
https://www.facebook.com/neetikathalu

రామనామవైశిష్ట్యం , విలువ : ధర్మం, అంతర్గత విలువ: జ్ఞానం

ఒక గురువుగారు తన శిష్యులకి విష్ణుసహస్రనామం బోధిస్తూ ఈ క్రింది శ్లోకం చెప్తున్నారు.
“శ్రీరామ రామ రామేతి రమే రామే మనోరమే
సహస్ర నామ తత్తుల్యం రామనామ వరాననే”
తరవాత ఈ విధంగా చెప్పసాగేరు.
3 సార్లు రామ నామం చెప్తే విష్ణుసహస్రం మొత్తం చదివిన ఫలితం వస్తుంది లేదా 1000సార్లు రామనామం చేసిన పుణ్యం వస్తుంది.

అప్పుడు ఒక విద్యార్థి లేచి అదెలా కుదురుతుంది గురువుగారు , 3 సార్లు = 1000 సార్లు ఎలా అవుతుంది అని అడిగాడు.
ఆ గురువుగారు గొప్ప రామభక్తుడు మరియు బుద్ధికుశలత కలిగిన వ్యక్తి. ఆయన ఈ విధంగా చెప్పేరు. అన్ని నామాలలోకి రామనామం చాలా గొప్పదని, రామనామస్మరణ చెయ్యడం వల్ల విష్ణు సహస్రనామం చేసిన ఫలితం పొందవచ్చని భగవానుడైన ఈశ్వరుడు తెలియచేశారు.
సంఖ్యాపరంగా ఈ విధంగా నిరూపించవచ్చు.

రా ( య, ర, ల, వ,శ,ష లలో 2వది)
మ ( ప,ఫ,బ,భ,మ లలో 5వది)

రా*మ= 2*5=10
రామ రామ రామ = 2*5*2*5*2*5=10*10*10=1000srr
ఈ విధంగా 3సార్లు రామనామం చేస్తే 1000కి సమానం అవుతుంది.
ఈ వివరణతో ఆ అబ్బాయి సంతృప్తి చెంది శ్రద్ధగా విష్ణుసహస్రం నేర్చుకోవడం మొదలుపెట్టాడు.
sri rama slokam

నీతి : మనం పాటించే ఆచారాలు,పద్ధతులు మరియు చేసే ప్రార్థనల అంతరార్థాన్ని వివరిస్తూ పిల్లలకు బోధించాలి. దీనివల్ల వాటి విలువను తెలుసుకోగలుగుతారు. అనుభవం ద్వారా సంపాదించిన జ్ఞానం ఎప్పటికీ నిలబడుతుంది.

http://saibalsanskaar.wordpress.com

https://www.facebook.com/neetikathalu

చేతనైనంత సహాయం చెయ్యండి, విలువ : ప్రేమ ,అంతర్గత విలువ: దయ

ఒక పరిచారిక చాలా అలసట, బాధతో ఉన్న ఒక పెద్దాయన మంచం దగ్గరికి ఒక వ్యక్తిని తీసుకుని వెళ్ళింది. ‘మీ అబ్బాయి ఇక్కడ ఉన్నాడు’ అని ఆ పెద్దాయనకి చెప్పింది. చాలా సార్లు ఆ మాట చెప్పాల్సి వచ్చింది, రోగి కళ్ళు తెరిచే లోపల.

రోగి గుండె నెప్పితో బాధ పడటం వల్ల, ఎక్కువ మోతాదు మత్తు మందు ఇవ్వటం జరిగింది. నెమ్మదిగా కళ్ళు తెరిచి చూస్తే, తన మంచం పక్కన, మంచి దుస్తులు వేసుకున్న ఒక అబ్బాయి నుంచుని ఉన్నాడు. పెద్దాయన , తన చెయ్యి బయటికి పెట్టారు, అప్పుడు ఆ అబ్బాయి కూడా,
చెయ్యి ప్రేమతో పట్టుకున్నాడు. అప్పుడు పరిచారిక, ఆ అబ్బాయికి ఒక కుర్చీ తెచ్చి వేసింది.nu219002 రాత్రంతా ఆ అబ్బాయి మంచం పక్కనే, పెద్దాయన చెయ్యి ప్రేమతో పట్టుకుని, కబుర్లు చెబుతూ, ధైర్యాన్ని ఇచ్చాడు. కొంచెంసేపు అయ్యాక, పరిచారిక, ఆ అబ్బాయిని విశ్రాంతి తీసుకోమని అడిగింది, కానీ ఆ అబ్బాయి ఒప్పుకోలేదు.

అప్పుడప్పుడు ఆ పెద్దాయన, ఏదో మాట్లాడినట్టు అనిపించేది. కానీ చూస్తే, ఆ అబ్బాయి చెయ్యి, రాత్రి అంతా గట్టిగా పట్టుకునే ఉన్నారు.
తెల్లవారుజామున, పెద్దాయన కన్ను మూశారు. ఆ అబ్బాయి వెళ్ళి పరిచారికకి, తెలియ చేశాడు.

పరిచారిక అన్ని పనులు పూర్తిచేసుకుని వచ్చేదాకా, ఆ అబ్బాయి అక్కడే ఉన్నాడు.పరిచారిక,ఆ అబ్బాయిని ఓదారుస్తూ ఉండగా, ఆ అబ్బాయి ఆమెను ఆపి, ఆ పెద్దాయన ఎవరు అని అడిగాడు. పరిచారిక ఆశ్చర్యంతో ‘మీ తండ్రిగారు కాదా’ అని అడిగింది. దానికి ఆ అబ్బాయి’నేను ఎప్పుడూ, ఆయనని చూడలేదు’ అని సమాధానం చెప్పాడు. దానికి పరిచారిక’నేను ఆయన దగ్గరికి తీసుకుని, వెళ్ళినప్పుడు, ఏమీ మాట్లాడలేదే?’ అని అడిగింది.
ఆ అబ్బాయి సమాధానం చెప్పాడు, ‘ఎక్కడో పొరపాటు జరిగింది, అని వెంటనే తెలిసింది, కానీ ఆయనకి ఇప్పుడు తన కొడుకు అవసరం అని తెలిసింది. పెద్దాయన చాలా జబ్బుతో ఉండడం వల్ల, అలాగే ఆయనతో ఉండిపోయాను’

‘ఈ రోజు నేను విలియం గ్రే గారిని చూడడానికి వచ్చాను. అయిన కుమారుడు, ఈ రోజు ఇరాక్ లో మరణించాడు. ఈ పెద్దాయన గారి పేరు ఏమిటి?’
పరిచారిక కళ్ళు నీళ్ళు పెట్టుకుని, ఈయనే విలియం గ్రే అని చెప్పింది.

నీతి:
—–

ఎంత వీలు అయితే అంత సహాయం చెయ్యాలి. మంచి మాట, చిరునవ్వు, సహాయం ఎదుటి వారికి ఎలా పనికి వస్తుందో మనకి తెలియదు .

http://saibalsanskaar.wordpress.com
https://www.facebook.com/neetikathalu

వినయము లేని భక్తి విలువ లేనిది , విలువ: ప్రేమ , అంతర్గత విలువ: వినయము

మేల్పత్తూర్ నారాయణ భట్తత్తిరి, గురువా యూరప్పన్ (శ్రీ కృ ష్ణుని ) భక్తుడు. ఆయన 1586 సంవత్సరములో 1034 శ్లోకములతో సంస్కృతములో “నారాయణీయము” అను గ్రంథమును రచించెను. ఇది భాగవతమునకు సంగ్రహ స్వరూపము. మేల్పత్తూర్ భట్తత్తిరి, అచ్చ్యుత పిషారది శిష్యుడు. ఒకప్పుడు గురువుగారు ఒక తీవ్రమైన వ్యాధితో బాధపడుచుండగా గురుదక్షిణగా భట్టత్తిరి ఆ వ్యాధిని తానే స్వీకరించెను. గురువుగారు ఆరోగ్యవంతులైరి. ఆ వ్యాధి కుదుర్చుటకు సాధ్యము కానిది. ఎజు తచ్చన్ అను భట్టత్తిరి మిత్రుడు గురువాయూరప్పన్ ను సేవించి ఆయన అనుగ్రహముతో వ్యాధినుండి విముక్తుడవు కమ్మని భట్టత్తిరి కి చెప్పెను. సంస్కృత పండితు డైన భట్ట త్తిరి భగవంతుని స్తుతించుచు ప్రతి దినము ఒక్కొక శ్లోకము వ్రాయుచుండెను. ఆఖరి శ్లోకము వ్రాయు సరికి ఆయన వ్యాధి పూర్తిగా తగ్గి ఆరోగ్య వంతుడయ్యెను.
lord-krishna3పూన్తాననం నంబూద్రి కేరళ దేశానికి చెందిన ఒక గొప్ప విష్ణు భక్తుడు. ఆయన భక్తితో వినయంతో గురువాయూ రప్పన్ ను ఆరాధించేవాడు. ఆయన మలయాళంలో “జనప్పన” అనే పేరుతో గురువాయూరప్పన్ ను స్తోత్రం చేస్తూ కొన్ని పాటలు వ్రాశారు. భట్టత్తిరి వలె ఆయన పండితుడు కాక పోయినా ఆయన పాటలు సులువుగా సరళంగా, భక్తీ భావ స్ఫోరకం గా ఉండేవి ఆయన తన పాటలను భట్టత్తిరికి చూపించి వాటిని పరిష్కరించమని (తప్పులను సరి దిద్ద మని ) కోరాడు . భట్టత్తిరి ఆ పాటలు చూచి నంబూద్రి కి సంస్కృత జ్ఞానం లేదని ఆక్షే పించాడు . పూన్తాననం ఇంటికి పోయి
భగవంతుని ముందు పెద్దగా విలపించాడు. ఆ రాత్రి భట్తత్తిరికి ఒక కల వచ్చింది . ఆ కలలో భట్టత్తిరికి ఒక బాలుడు కనిపించాడు. భట్టత్తిరి “నారాయణీయం” చదవడానికి సిద్ధపడుతున్నాడు. . ఆ బాలుడు భట్ట త్తిరి ప్రక్కనే కూర్చున్నాడు.
భట్ట త్తిరి మొదటి శ్లోకం చదవగానే ఆ బాలుడు దానిలో ఒక తప్పును చూపించాడు. అది తప్పే అని ఒప్పుకుని భట్టత్తిరి రెండవ శ్లోకం చదివాడు . అందులో రెండు తప్పులు చూపించాడు . మూడవశ్లోకంలో మూడు, నాలుగవ శ్లోకంలో నాలుగు ఇలా ఆ బాలుడు తప్పులు చూపిస్తూనే ఉన్నాడు . పది శ్లోకాలు చదివే సరికి భట్ట త్తిరికి విషయం అర్థ మయింది ఆ బాలుడు మరెవరో కాదు సాక్షాత్తు భగవంతుడే అని.
తన పాండిత్యం కంటే పూన్తాననం భక్తి యే భగవంతుణ్ణి సంతోషపెట్టింది అని భట్టత్తిరి అర్థం చేసుకున్నాడు. పూన్తాననం వద్దకు పోయి తనను క్షమిం మని వేడు కున్నాడు. భట్ట త్తిరి పూన్తాననం వ్రాసిన “జనప్పన” పుస్తకం తీసి ఆ పాటలను పరిశీ లించాడు. వాటిలో ఒక్క తప్పు కూడా కనపడ లే దు. అవి నిర్దుష్టం గా ఉన్నాయి
నీతి :- పాండిత్యం కంటే వినయ విధేయతలతో కూడిన భక్తి విశ్వాసములే గొప్పవి. శీల నిర్మాణంలో వినయమునకు గల ప్రాధాన్యం విలువ కట్టలేనిది.

http://saibalsanskaar.wordpress.com/
https://www.facebook.com/neetikathalu